«ЯСАУИ» ОЛИМПИАДАСЫНЫҢ ЖЕҢІМПАЗДАРЫНА ХАЛЫҚАРАЛЫҚ УНИВЕРСИТЕТКЕ ГРАНТТАР ТАПСЫРЫЛДЫ

Өткен аптада, 13 наурыз күні Түркістан қаласындағы Қожа Ахмет Ясауи атындағы Халықаралық университеті Мәдениет орталығының үлкен залында II Республикалық «Ясауи» пәндік олимпиадасының жеңімпаздарын марапаттау рәсімі болды. Олимпиаданың қорытынды кезеңіне Қазақстанның 14 облысынан және Астана, Алматы қалаларынан 550-ге жуық оқушы 11 пән бойынша қатысты. Білім сайысының I кезеңіүстіміздегі жылдың 5-6 ақпанында еліміздің облыс орталықтарында онлайн түрінде өткізілген болатын.

Салтанатты кеште университет президенті, профессор У.Әбдібеков, бірінші вице-президент, професор М.Куталмыш мырзалар құттықтау сөздерімен ыстық тілектерін білдірді.

Жоғары оқу орнының президенті У.Әбдібеков: «Құрметті жас түлектер, ата-аналар, қонақтар! Жалпы олимпиадаға 4700-ден аса оқушықатысты. II турғаөткен 550 оқушының 33-і грант иегеріатанды. Жеңімпаздар стипендиямен және жатақханаменқамтылады. Қалған 517 оқушы сертификат алады. Сіздер үміттеріңізді үзбеңіздер. Өйткені ҰБТ тапсырған соң, 13-25 тамыз аралығында құжат тапсырып, Түркия мемлекеті бөліп отырған 500 білім грантын иелену үшін ұйымдастырылатын конкурсқа қатыса аласыздар.

Сонымен бірге Түркия грантына ілікпегендерге арналған көптеген жеңілдіктер қарастырылған. Жыл сайын 500 студентті «Мәулана» бағдарламасы бойынша Түркияға Iсеместрде оқуға жібереміз. Бәріңізді шын жүректен құттықтаймын! Біздің студенттер қатарынан көрінуге тілектестік білдіре отырып, зор ықыласпен оқуға шақырамын!»-деп, толқып отырған жастардың көңіліне қуаныш сыйлады.

Сондай-ақ, жоғары оқу орнының басшылары Қ.А.Ясауи атындағы Халықаралық қазақ-түрік университетінің гранты негізінде білім алу үшін арнайы сертификаттарды жеңімпаздарға табыстады.

Іс-шара соңы «Продюсерлік орталық» ұйымдастырған университет өнерпаздарының концерттік бағдарламасына ұласты.

«Білімді мыңды жығады, білекті бірді жығады», -дегендей, оқу ордамызға ең білімді, үздік талапкерлер тартылды. Өздері таңдаған бейіндік пәннен кіл үздіктер топ жарды. Еліміздің сонау солтүстік, батыс және басқа да өңірлерінен келген мектеп оқушыларының университетке деген қызығушылықтары өте жоғары.

Университеттің Мәдениет орталығы фойесінде факультеттердің кәсіби бағдар жұмыстары жүргізілді. Барлық оқушыларға, жетекшілеріне, ата-аналарына университет қалашығында саяхат ұйымдастырылды. Жоғары оқу орнымыздың ғимараттарын аралап, мәре-сәре болған оқушылар қуаныштарын жасыра алмады.

Ақәділ АЛАЙДАРОВ,

Қ.А. Ясауи атындағы Халықаралық қазақ-түрік университеті Кәсіби бағдар бөлімінің маманы, заң ғылымдарының магистрі, Түркістан қаласы.

16 наурыз, 2015 жыл.

Кез келген материалды пайдалануға zertteushi.kzИнтернет-ресурсына сілтеме жасалғанда ғана рұқсат етіледі.

Жаңалықтар

02.03.2020
«Зерттеуші» Республикалық ғылыми-білім беру орталығы» мекемесі еліміздің жоғары оқу орындары мен колледждерінің студенттері және мектептердің оқушылары арасында олардың шығармашылық жұмыстарын жазу белсенділігін арттыруға және «Журналистика және репортер ісі» білім беру бағдарламалар тобы бойынша кәсіптік бағдар беруге арналған еркін тақырыптар бойынша «ЖУРНАЛИСТ БОЛҒЫМ КЕЛЕДІ» атты шығармалар конкурсын өткізетіні туралы хабарлайды. Шығармаларды кез-келген еркін тақырыпта жазып, жолдауға болады. Конкурс жыл сайын өткізіледі.
28.02.2020
«Педагог мәртебесі туралы» Қазақстан Республикасының 2019 жылғы 27 желтоқсандағы № 293-VІ ҚРЗ Заңының 15-бабының (Педагогтің міндеттері) 1-тармағының 3)-тармақшасы бойынша педагог өзінің кәсіптік шеберлігін, зерттеу, зияткерлік және шығармашылық деңгейін үздіксіз жетілдіруге, оның ішінде біліктілік санаты деңгейін бес жылда бір реттен сиретпей арттыруға (растауға) міндетті.
20.12.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымының бастамасымен «Балалар және білім беру, бос уақыт және мәдени іс-шаралар» тақырыбында 2019 жылы жүзеге асырылған жұмыстардың қорытындысы туралы бейнебаянды назарларыңызға ұсынамыз.