ПЕДАГОГ ҚЫЗМЕТКЕРДІҢ ЖЕКЕ ПЕДАГОГТІК ҚЫЗМЕТПЕН ШҰҒЫЛДАНУҒА ҚҰҚЫҒЫ БАР

Жақында «Зерттеуші» Республикалық ғылыми-білім беру орталығы ұйымдастырып отырған «География – менің таңдауым»атты конкурс туралы ереженің орыс тіліндегі мәтіні толық редакцияланбаған күйінде біздің zertteushi.kz Интернет-ресурсымызда жарияланып кетуіне байланысты келтірілген қолайсыздықтар үшін оқырмандарымыздан және Қазақстан Республикасы Білім және ғылым министрлігі мен Л.Н. Гумилев атындағы Еуразия ұлттық университеті басшылығынан кешірім сұраймыз.

«География – менің таңдауым» конкурсының жауапты ұйымдастырушысы – доцент(of Associate Professor), филология ғылымдарының кандидаты (PhD)Жақып Мырзантай Қожабайұлы «Ғылым туралы» ҚР Заңының 23-бабына сәйкес Қазақстан Республикасы Білім және ғылым министрлігінде ғылыми қызмет субъектісі ретінде аккредиттелген (куәлік сериясы МК, №002022), ҚР Қаржы министрлігінің Салық комитетінде салық төлеуші ретінде мемлекеттік тіркеуден өткен (10.01.2014ж. куәлік сериясы 6203, №0002310).

«Білім туралы» ҚР Заңының 51-бабы, 2-бөлімінің 3) тармағына, «Білім беру ұйымдарының ақылы негізде тауарлар (жұмыстар, қызметтер көрсету) ұсынуы» жөніндегі  63-бабына, сондай-ақ, ҚР 2001 жылғы 16 қаңтардағы №142 «Коммерциялық емес ұйымдар туралы» Заңының 10, 32, 33, 35-баптарына сәйкес шығармалар конкурсына қатысу және жұмысын журналдарда жариялау үшін үміткерлер арнайы жарна төлейді.

Жарнаның мөлшерін шығармалар конкурстарын ұйымдастырушылар белгілейді.

Жоғарыда аталған конкурстың ұйымдастырылуында ешқандай да заң бұзушылыққа жол беріліп отырған жоқ деп есептейміз.

Мен, «Зерттеуші» Республикалық ғылыми-білім беру орталығы zertteushi.kz Интернет-ресурсының редакторы, филология ғылымдарының кандидаты, доцент Жақып Мырзантай Қожабайұлы, Л.Н. Гумилев атындағы Еуразия ұлттық университеті Журналистика және саясаттану факультеті Телерадио және қоғаммен байланыс кафедрасының доценті болып факультеттің арнайы шақыруы бойынша 2010 жылдан бастап қызмет істеймін және педагог қызметкер болып табыламын.

«Білім туралы» Қазақстан Республикасының 2007 жылғы 27 шілдедегі №319 Заңының «Педагог қызметкердің мәртебесі» атты 7-тарауының «Педагог қызметкердің құқықтары, міндеттері мен жауапкершілігі» атты 51-бабына сәйкес педагог қызметкердің жеке педагогтік қызметпен шұғылдануға құқығы бар.

Жоғарыда аталған Заңның 37-1-бабы бойынша:

«Жеке педагогтік қызмет:

1. Табыс алумен байланысты жеке педагогтік қызмет кәсіпкерлік қызмет болып табылады. Жеке педагогтік қызметпен айналысатын тұлғаны мемлекеттік тіркеу Қазақстан Республикасының заңнамасына сәйкес жүзеге асырылады.

 2. Жеке педагогтік қызмет лицензияланбайды».

«Зерттеуші» Республикалық ғылыми-білім беру орталығының zertteushi.kz Интернет-ресурсына және онда жарияланған «География – менің таңдауым» конкурсы туралы ақпаратқа Қазақстан Республикасының Білім және ғылым министрлігінің және Л.Н. Гумилев атындағы Еуразия ұлттық университетінің ешқандай қатысы жоқ екенін хабарлаймыз.

 

Құрметпен,

Жақып Мырзантай Қожабайұлы,

«Зерттеуші» Республикалық ғылыми-білім беру орталығының zertteushi.kz Интернет-ресурсының редакторы, филология ғылымдарының кандидаты, доцент.

 

25.01.2014 ж.

Жаңалықтар

25.05.2018
Астана қаласындағы «Зерттеуші» Республикалық ғылыми-білім беру орталығы» жеке меншік мекемесінің Қазақстан Республикасының Дін істері және азаматтық қоғам министрлігі, «Атамекен» Қазақстан Республикасы Кәсіпкерлерінің ұлттық палатасы, «Азаматтық бастамаларды қолдау орталығы» КЕАҚ-ның «ASAR» үш жақты ынтымақтастық форумы аясындағы әлеуметтік жобалар платформасында жарияланған «Оңтүстік Қазақстан облысындағы Мырзашөл өңірінің тарихын зерттеу (1867-2018)» атты әлеуметтік жобасымен танысыңыздар!
23.05.2018
Астана қаласындағы «Зерттеуші» Республикалық ғылыми-білім беру орталығы» жеке меншік мекемесінің Қазақстан Республикасының Дін істері және азаматтық қоғам министрлігі, «Атамекен» Қазақстан Республикасы Кәсіпкерлерінің ұлттық палатасы, «Азаматтық бастамаларды қолдау орталығы» КЕАҚ-ның «ASAR» үш жақты ынтымақтастық форумы аясындағы әлеуметтік жобалар платформасында жарияланған «Ауылды қалаға айналдырайық!» атты әлеуметтік жобасымен танысыңыздар!
21.05.2018
«Зерттеуші» Республикалық ғылыми-білім беру орталығы» мекемесінің ұйымдастырып отырған «Мектеп мұғалімдерінің үздік әдістемелік жұмысы», «Үздік жас зерттеуші», «Әдебиет әлемі – оқушы көзімен», «Мәңгілік Ел тарихы», «География – менің таңдауым» және «Мектеп оқушыларының үздік ғылыми жұмысы» конкурстарына 2018 жылдың 15 мамырына дейін келіп түскен жұмыстардың бір тобы «Ғылыми зерттеулер әлемі – Мир научных исследований – World of scientific research» журналының 2017 жылғы қаңтар-желтоқсан, №№1-12(115-126) санында жариялау үшін дайындалып, журналдың аталған нөмірі басып шығару үшін баспаханаға тапсырылғанын хабарлаймыз.