ҚАЗАҚСТАН ҒАЛЫМДАРЫ ЕЛБАСЫМЫЗ ҰСЫНҒАН ҚОҒАМДЫҚ САНАНЫ ЖАҢҒЫРТУ БАҒДАРЛАМАСЫНЫҢ «ТУҒАН ЖЕР» ЖОБАСЫ АЯСЫНДАҒЫ ҒЫЛЫМИ-ЗЕРТТЕУ ЖҰМЫСТАРЫН ЖҮРГІЗУГЕ КІРІСЕ АЛМАЙ ОТЫР

2018-2020 жылдарға арналған ғылыми жобаларды гранттық қаржыландыру конкурсына ұсынылған ғылыми жобаларды бағалау және конкурстық іріктеу жөніндегі Ұлттық ғылыми кеңестердің отырыстары ұзақ уақытқа созылып кетпесе екен.

Қазақстан Республикасының Президенті Н.Ә. Назарбаев өзінің ресми бұқаралық ақпарат құралдарында жарияланған «Болашаққа бағдар: рухани жаңғыру» атты мақаласында «Туған жер» бағдарламасын қолға алуды ұсынғаны бәрімізге де белгілі.

Елбасымыздың тұжырымы бойынша бұл жоба «білім беру саласында ауқымды өлкетану жұмыстарын жүргізуді, жергілікті деңгейдегі тарихи ескерткіштер мен мәдени нысандарды қалпына келтіруді, орта мектепте туған жердің тарихын оқытуды, туған жердің әрбір сайы мен қырқасының, тауы мен өзенінің тарихын, әрбір жер атауының төркіні туралы аңыздар мен әңгімелерді, әрбір өлкенің халқына суықта пана, ыстықта сая болған, есімдері ел есінде сақталған біртуар перзенттерінің еңбектерін зерттеп, осының бәрін жас ұрпақ біліп өсуіне жағдай жасауы» тиіс.

Елбасымыз ұсынған Қоғамдық сананы жаңғырту бағдарламасының «Туған жер» жобасын жүзеге асыру негізінен гуманитарлық-әлеуметтік ғылымдар салаларының ғалымдарына жүктелетін абыройлы міндет екені де ақиқат.

Осы орайда, Қазақстан Республикасы Үкіметінің 2017 жылғы 15 қыркүйектегі №569 қаулысымен Ұлттық ғылыми кеңестердің жаңа тізбесі бекітіліп, «Мәңгілік Ел» ғылыми негіздері (XXI ғасырдағы білім беру, гуманитарлық ғылымдар саласындағы іргелі және қолданбалы зерттеулер)» ғылыми бағыты бойынша Ұлттық ғылыми кеңес құрылды.

Өз кезегінде ҚР Білім және ғылым министрінің 2017 жылғы 15 тамыздағы №410 бұйрығымен 2018-2020 жылдарға арналған ғылыми және (немесе) ғылыми-техникалық жобалар бойынша гранттық қаржыландыруға арналған конкурстың құжаттамасы бекітілді (ҚР Білім және ғылым министрінің 2017 жылғы 29 тамыздағы №435 бұйрығымен өзгерістер мен толықтырулар енгізілді).

Ғылыми жобаларды қаржыландырудың 2018-2020 жылдарға арналған гранттық жалпы сомасы 28,6 млрд. теңге.

Жоғарыда айтылғанындай, Елбасымыздың «Болашаққа бағдар: рухани жаңғыру» атты мақаласындағы «Туған жер» бағдарламасын қолға алу туралы ұсынысына орай, ҚР Білім және ғылым министрлігінің 2018-2020 жылдарға арналған ғылыми және (немесе) ғылыми-техникалық жобалар бойынша гранттық қаржыландыруға арналған конкурстық құжаттамасында «Мәңгілік Ел» ғылыми негіздері (XXI ғасырдың білімі, гуманитарлық ғылымдар саласындағы іргелі және қолданбалы зерттеулер)» басым бағытының «Қоғамдық сананы жаңғырту мәселелерінің іргелі және қолданбалы зерттеулері» атты мамандандырылған ғылыми бағытының бір саласы «Туған жер. Жалпыұлттық бірлік, бейбітшілік және келісім» деп белгіленді.

ҚР Білім және ғылым министрлігіне қарасты «Ұлттық мемлекеттік ғылыми-техникалық сараптама орталығы» АҚ-ның ресми мәліметтері бойынша 2018-2020 жылдарға арналған ғылыми жобаларды гранттық қаржыландыру конкурсына барлығы – 4488, оның ішінде «Мәңгілік Ел» ғылыми негіздері (XXI ғасырдың білімі, гуманитарлық ғылымдар саласындағы іргелі және қолданбалы зерттеулер)» басым бағыты бойынша – 1299 (іргелі зерттеулер бойынша – 812, қолданбалы зерттеулер бойынша – 487) ғылыми жоба ұсынылған.

Қазақстан Республикасы Үкіметінің 2017 жылғы 26 желтоқсандағы №879 қаулысымен Ұлттық ғылыми кеңестердің жаңа құрамы, оның ішінде «Мәңгілік Ел» ғылыми негіздері (XXI ғасырдағы білім беру, гуманитарлық ғылымдар саласындағы іргелі және қолданбалы зерттеулер)» ғылыми бағыты бойынша Ұлттық ғылыми кеңес мүшелері бекітілді.

Еліміздің гуманитарлық-әлеуметтік ғылымдар салаларының ғалымдары «Мәңгілік Ел» ғылыми негіздері (XXI ғасырдағы білім беру, гуманитарлық ғылымдар саласындағы іргелі және қолданбалы зерттеулер)» ғылыми бағыты бойынша Ұлттық ғылыми кеңес құрамына отандық танымал ғалымдар, мемлекеттік органдардың, ұлттық басқарушы холдингтердің, ұлттық даму институттарының, ұлттық холдингтердің, ұлттық компаниялардың, жеке кәсіпкерлік субъектілерінің өкілдері енгізілуін барынша қолдап-қуаттап отыр.

Сондай-ақ, отандық ғалымдарымыз ҚР Білім және ғылым министрлігінің 2018-2020 жылдарға ғылыми жобаларды гранттық қаржыландыру үшін жариялаған байқаудың қорытындысы қашан белгілі болады деп асыға күтіп отырғанын да ұмытпасақ екен.

Салалық министрлік құрамындағы «Ұлттық мемлекеттік ғылыми-техникалық сараптама орталығы» АҚ-ның ресми мәліметтеріне сүйенсек, жаңа құрамдағы Ұлттық ғылыми кеңестердің отырыстарын 2018 жылдың 8-22 қаңтары аралығында өткізу жоспарланған еді.

Бізге жеткен кейінгі ақпараттар бойынша Ұлттық ғылыми кеңестердің отырыстары алдын-ала белгіленгеніндей, бүгін – 22 қаңтар күні аяқтала қоймайтын көрінеді және Ұлттық ғылыми кеңестердің қорытынды шешімдері қашан жарияланатыны да әлі белгісіз.

Әрине, жаңа құрамдағы Ұлттық ғылыми кеңестер мүшелерінің 2018-2020 жылдарға арналған ғылыми жобаларды гранттық қаржыландыру конкурсына ұсынылған ғылыми жобалардың ғылыми жаңашылдығын, ғылыми-техникалық деңгейін, перспективалылығын, әзірлену дәрежесін, сұралып отырған қаржыландыру көлемінің экономикалық негізділігін бағалау; республикалық бюджеттен қаржыландыруға ұсынылатын іргелі және қолданбалы зерттеулер бойынша ғылыми жобаларға конкурстық іріктеуді жүзеге асыру және т.б. міндеттерді жүзеге асырудағы жоғары мәртебелі және қиын да, күрделі қызметтеріне барынша үлкен құрметпен қараймыз.

Сонымен бірге 2018-2020 жылдарға арналған ғылыми жобаларды гранттық қаржыландыру конкурсына ұсынылған ғылыми жобаларды бағалау және конкурстық іріктеу жөніндегі Ұлттық ғылыми кеңестердің отырыстары ұзақ уақытқа созылып кетпесе екен деген тілек-өтініш айтқымыз келеді.

Өйткені ғалымдарымыз Елбасымыз ұсынған Қоғамдық сананы жаңғырту бағдарламасының «Туған жер» жобасы аясында ғылыми-зерттеу жұмыстарын жүргізуге кірісе алмай отыр.

 

Мырзантай Қожабайұлы ЖАҚЫП,

Л.Н. Гумилев атындағы Еуразия ұлттық университеті Телерадио және қоғаммен байланыс кафедрасының доценті (of Associate Professor), филология ғылымдарының кандидаты (PhD), «Зерттеуші» Республикалық ғылыми-білім беру орталығы» мекемесінің директоры, Астана қаласы.

 

Кез келген материалды пайдалануға zertteushi.kz Интернет-ресурсына сілтеме жасалғанда ғана рұқсат етіледі.

Жаңалықтар

27.06.2018
Бізге белгілі мәліметтер бойынша, бүгін, 2018 жылдың 27 маусымында Қазақстан Республикасының Дін істері және азаматтық қоғам министрі Дархан Кәлетаевтың төрағалығымен министрлік жанындағы Үкіметтік емес ұйымдармен (ҮЕҰ) өзара іс-қимыл жөніндегі Үйлестіру кеңесінің отырысы өтеді. Аталған салалық министрліктің басшысы – Үйлестіру кеңесінің төрағасы бекіткен ҮЕҰ-мен өзара іс-қимыл жөніндегі Үйлестіру кеңесінің 2018 жылға арналған жұмыс жоспары бойынша маусым айында ҮЕҰ-дың экономикалық, әлеуметтік, мәдени құқықтар туралы халықаралық пактті іске асыруға қатысуы туралы және балалар мен жастардың ортасында «Рухани жаңғыру» бағдарламасы бойынша жұмысты жандандырудағы ҮЕҰ-дың рөлі туралы мәселелер қарастырылуы тиіс.
25.06.2018
Астанадағы Л.Н. Гумилев атындағы Еуразия ұлттық университеті Журналистика және саясаттану факультетінің Телерадио және қоғаммен байланыс кафедрасы мектептер мен колледждердің 2018 жылғы түлектерін «5В051400 – Қоғамдық байланыс» мамандығы бойынша оқуға шақырады!
21.06.2018
Осыдан алты жылға жуық уақыт бұрын, 2012 жылдың 15 қарашасынан бастап Астана қаласындағы «Зерттеуші» Республикалық ғылыми-білім беру орталығының http://zertteushi.kz/ арнайы Интернет-ресурсы жұмыс істей бастады.