ХАЛЫҚАРАЛЫҚ УНИВЕРСИТЕТКЕ ОҚУҒА ТҮСКІҢ КЕЛСЕ – «ЯСАУИ» ОЛИМПИАДАСЫНА ҚАТЫС!

Қымбатты 2014-2015 оқу жылында мектептер мен колледждерді бітіргелі отырған жас достар! Бүгін біз Астана қаласындағы «Зерттеуші» Республикалық ғылыми-білім беру орталығы мен Түркістан қаласындағы Қ.А. Ясауи атындағы Халықаралық қазақ-түрік университеті ұйымдастырып отырған «Түркістан төрінде білім ал, жас талапкер!» атты бірлескен арнайы PR-жобасының аясында Сіздерге «Ясауи» олимпиадасы туралы ақпарат бермекпіз.

«Ясауи» олимпиадасы – Республикалық пәндік білім сайысы болып табылады.

Республикалық «Ясауи» пәндік олимпиадасының негізгі құрылтайшысы – қасиетті Түркістан қаласында қоныс тепкен Қ.А. Ясауи атындағы Халықаралық қазақ-түрік университеті, ал оның ұйымдастырылуына жауапты мекеме – осы жоғары оқу орнының Кәсіби бағдар бөлімі.

Тұңғыш рет I Республикалық «Ясауи» пәндік олимпиадасы 2013-2014 оқу жылында өткізілді.

Аталған пәндік олимпиаданың алғашқы кезеңі Қазақстанның барлық 14 облысының орталықтарында болып өтті. Онда 11 пән бойынша 4000-ға жуық мектеп бітіруші түлек өздерінің бақтарын сынады.

Олимпиаданың қорытынды кезеңі Түркістан қаласындағы университеттің өзінде өткізілді.

Өте тартысты болған осынау білім жарысының нәтижесінде 34 мектеп бітіруші оқушы жеңімпаз деп танылды.

Жеңімпаздарға бағалы сыйлықтарға қоса Қ.А. Ясауи атындағы Халықаралық қазақ-түрік университетінің гранты бойынша тегін жоғары білім алу үшін арнайы сертификаттар тапсырылды.

Қазіргі таңда II Республикалық «Ясауи» пәндік олимпиадасына тіркелу басталып, тиісті ұйымдастыру жұмыстары жүргізілуде.

Қ.А. Ясауи атындағы Халықаралық қазақ-түрік университеті ұйымдастырып жатқан II Республикалық «Ясауи» пәндік олимпиадасы туралы осы жоғары оқу орнының ғаламтордағы мына мекен-жайына кіріп, өздеріңізге қажетті толық ақпараттарды ала аласыздар:

http://www.iktu.kz/index.php/explore/2011-08-15-05-52-35/module-variations/780-talapker-2019

Сондай-ақ, біздің zertteushi.kz Интернет-ресурсымыздың төменгі оң жағында орналастырылған «Ясауи» олимпиадасы» атты бөлімде де Сіздер үшін маңызды мәліметтер жарияланған.

«Түркістан төрінде білім ал, жас талапкер!» атты бірлескен арнайы PR-жобасын жүзеге асырушылар:

Мырзантай ЖАҚЫП,

«Зерттеуші» Республикалық ғылыми-білім беру орталығының директоры, филология ғылымдарының кандидаты (PhD), доцент (of Associate Professor), Астана қаласы.

Ақәділ АЛАЙДАРОВ,

Қ.А. Ясауи атындағы Халықаралық қазақ-түрік университеті Кәсіби бағдар бөлімінің маманы, заң ғылымдарының магистрі, Түркістан қаласы.

04 желтоқсан, 2014 жыл.

Кез келген материалды пайдалануға zertteushi.kz Интернет-ресурсына сілтеме жасалғанда ғана рұқсат етіледі.

Жаңалықтар

02.03.2020
«Зерттеуші» Республикалық ғылыми-білім беру орталығы» мекемесі еліміздің жоғары оқу орындары мен колледждерінің студенттері және мектептердің оқушылары арасында олардың шығармашылық жұмыстарын жазу белсенділігін арттыруға және «Журналистика және репортер ісі» білім беру бағдарламалар тобы бойынша кәсіптік бағдар беруге арналған еркін тақырыптар бойынша «ЖУРНАЛИСТ БОЛҒЫМ КЕЛЕДІ» атты шығармалар конкурсын өткізетіні туралы хабарлайды. Шығармаларды кез-келген еркін тақырыпта жазып, жолдауға болады. Конкурс жыл сайын өткізіледі.
28.02.2020
«Педагог мәртебесі туралы» Қазақстан Республикасының 2019 жылғы 27 желтоқсандағы № 293-VІ ҚРЗ Заңының 15-бабының (Педагогтің міндеттері) 1-тармағының 3)-тармақшасы бойынша педагог өзінің кәсіптік шеберлігін, зерттеу, зияткерлік және шығармашылық деңгейін үздіксіз жетілдіруге, оның ішінде біліктілік санаты деңгейін бес жылда бір реттен сиретпей арттыруға (растауға) міндетті.
20.12.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымының бастамасымен «Балалар және білім беру, бос уақыт және мәдени іс-шаралар» тақырыбында 2019 жылы жүзеге асырылған жұмыстардың қорытындысы туралы бейнебаянды назарларыңызға ұсынамыз.