ЕЛІМІЗДІҢ ТҮЛЕКТЕРІН ТЕГІН ОҚУҒА МҮМКІНДІК БЕРЕТІН ГРАНТТАР КҮТІП ТҰР

2013 жылдың 2 тамызында Л.Н. Гумилев атындағы Еуразия ұлттық университетінде Қазақстан Республикасының Білім және ғылым министрі Бақытжан Жұмағұловтың төрағалығымен Білім беру гранттарын тағайындау жөніндегі республикалық комиссия өз жұмысын бастады.

Комиссия құрамына ҚР Білім және ғылым министрлігінің, ҚР Денсаулық сақтау министрлігінің, еліміздің ірі мекемелерінің өкілдері, сондай-ақ, жоғары оқу орындарының ректорлары кірді.

Жиын басталмай тұрып, Бақытжан Жұмағұлов республикалық БАҚ өкілдерімен кездесіп, құжаттарды қабылдау нәтижесі бойынша мемлекеттік білім беру грантын тағайындау туралы журналистердің қойған сауалдарына жауап берді.

ҚР Білім және ғылым министрінің баяндамасы бойынша ағымдағы жылы еліміздің бітіруші мектеп түлектерінің саны 143 409 адамды құрады, олардың ішінде қазақ тілді оқу бөлімі 92 556 (64,5%), ал орыс тілді оқу бөлімі 42 476 (35,5%) адамды құрады.

Биыл Бірыңғай ұлттық тестке қатысқан оқушылардың саны 95 455 (жалпы саннан 66,6%) адамды құраған, ал кешенді тестілеуге қатысқандар – 76 655 адам. Жоғары оқу орнында білім алу құқығына 95 965 адам ие болды.

Осы жылы мемлекеттік тапсырысты қалыптастыру мемлекеттің әлеуметтік-экономикалық дамуының стратегиялық басымдықтарына бағытталған. Бұл ең алдымен, Елбасының жариялаған үдемелі индустрияландыру курсы. Мұнымен қоса, агроөнеркәсіп кешенін дамыту да басты назарға алынды. Мемлекеттік тапсырыстың құрылымында педагогикалық кадрларды даярлау ерекше орынға ие.

Көрсетілген басымдықтарды есепке ала отырып, 12 (34%) мыңға жуық грант техникалық және технологиялық мамандықтарға, 6700 (19%) – ден жоғары грант педагогикалық, сонымен қатар 2630 (7,5%) грант ауылшаруашылығы мен ветеринар мамандықтарына қарастырылған.

2013 жылы барлығы 35 053 грант бөлінген, демек, былтырғы жылмен салыстырғанда 738 грантқа артық.

Республикалық байқау комиссиясының жұмысы 4 күн бойы, яғни, 2013 жылдың 2-5 тамыз аралығында жүретін болады. Содан кейін еліміздің жоғары оқу орындары бойынша гранттарды үлестіру нәтижесі жарияланатын болады.

Еске сала кететін жәйт, биыл еліміздің көшбасшы ЖОО – Л.Н. Гумилев атындағы ЕҰУ-де білім алғысы келетін талапкерлер саны артқан.

 

Кез келген материалды пайдалануға zertteushi.kz сайтына сілтеме жасалғанда ғана рұқсат етіледі.

Жаңалықтар

07.10.2018
Қазақстан Республикасы Президентінің http://www.akorda.kz/kz ресми сайтында жарияланған Мемлекет басшысы Н.Ә. Назарбаевтың 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» деп аталатын Қазақстан халқына жолдауының «III. Өмір сүруге жайлы орта қалыптастыру» атты бөлімінің Екінші тармағында: «Еліміздің аумақтық дамуына жаңа тәсілдер енгізуді қамтамасыз ету қажет», - деп жазылған.
07.10.2018
В Послании Главы государства Н.А. Назарбаева народу Казахстана от 5 октября 2018 г. «Рост благосостояния казахстанцев: повышение доходов и качества жизни», опубликованном на официальном сайте Президента Республики Казахстан http://www.akorda.kz/ru/, в разделе «III. Создание комфортной среды проживания», написано следующее: «Второе. Нужно обеспечить внедрение новых подходов к территориальному развитию страны».
04.10.2018
Қазақстан Республикасы Президентi Әкімшілігінің Ішкі саясат бөлімінің және Түркістан облыстық әкімдігінің келісімі бойынша 2018 жылдың 28 қыркүйегінде Ақпаратқа жалпыға бірдей қол жеткізудің Халықаралық күніне орай «Зерттеуші» Республикалық ғылыми-білім беру орталығы» мекемесінің бастамасымен Түркістан облысының Мақтаарал және Жетісай аудандарының студент және жұмысшы жастарымен, сондай-ақ жас мемлекеттік қызметшілерімен бірнеше кездесу өткіздік.